20250117

सामाजिक सञ्जालहरूलाई असामाजिक सञ्जाल नबनाऊँ


लोग्ने स्वास्नीको झगडा भयो - सामाजिक सन्जाल र मिडियामा !

सासु बुहारीको झगडा भयो - सामाजिक सन्जाल र मिडियामा !

बाउ छोराको झगडा भयो - सामाजिक सन्जाल र मिडियामा !

दाई भाई लडे, झगडा भयो - सामाजिक सन्जाल र मिडियामा ! 

दिदी बहिनीको झगडा भयो - सामाजिक सन्जाल र मिडियामा !

कसैको सम्बन्ध बिग्रिन थाल्यो, झगडा भयो - सामाजिक सन्जाल र मिडियामा !

डिभोर्स हुन थाल्यो भनेर पनि - सामाजिक सन्जाल र मिडियामा ! 

डिभोर्स भयो भनेर पनि - सामाजिक सन्जाल र मिडियामा ! 

हाम्रो समाज र हामी कता जाँदै छौं यो हाम्रो ऐना हो हामीलाई हेर्ने ।  

पत्रकारिताको पनि धर्म हुन्छ, के प्रकाशन गर्ने, के नगर्ने सीमा हुन्छ, अर्काको घर भँडाउने, जुधाउने, निजी जीवन बर्बादपार्ने काम नगरौँ । अहिले अनलाइन देखी सामाजिक सँजालहरुमा जे भैरहेको छ यो गलत छ । मान्छेको निजी जीबनमा प्रबेश गर्ने, लडाउने, भिडाउने खेलले भ्युज त बटुलिएला तर त्यसले समाजलाई उल्टो बाटो हिंड्न सिकाउँछ है, सबैले ख्याल गरौं, मनन गरौं । 

अहिले अनलाइन देखी सामाजिक सञ्जालहरूमा जे भइरहेको छ यो गलत छ । मान्छेको निजी जीवनमा प्रवेश गर्ने, लडाउने, भिडाउने खेलले भ्युज त बटुलिएला तर त्यसले समाजलाई उल्टो बाटो हिँड्न सिकाउँछ है, सबैले ख्याल गरौँ, मनन गरौँ । मेरो यो स्ट्याटस आजको एउटा घटनाको मात्र नभएर केही वर्ष यता, केही समय यता हुँदै आएका दर्जनौँ घटना र यस्ता गलत प्रवृत्ति प्रति इङ्गित छ । सामाजिक सञ्जालहरूलाई असामाजिक सञ्जाल नबनाऊँ विनम्र अनुरोध सबै सबैमा । - रामप्रसाद खनाल 


संसद बैठक बोलाउन सरकारलाई आह्वान, नबोलाइए विशेष अधिवेशन बोलाउने चेतावनी

 

20250116

गौतमबुद्ध अन्तर्राष्ट्रिय विमानस्थल (भैरहवा)मा भिजिबिलिटी समस्याका कारण उडान रोकेका अन्तर्राष्ट्रिय विमान कम्पनीहरूले फेरि उडान सुरु

 
भैरहवा / गौतमबुद्ध अन्तर्राष्ट्रिय विमानस्थल (भैरहवा)मा भिजिबिलिटी समस्याका कारण उडान रोकेका अन्तर्राष्ट्रिय विमान कम्पनीहरूले फेरि उडान सुरु गरेका छन् । भैरहवामा यसअघि कात्तिकमा उडान सुरु गरेका कम्पनीले भिजिबिलिटी कम भएको कारण देखाउँदै उडान रोकेका थिए । फ्लाई दुबईले १३ जनवरी (पुस २९) बाट उडान सुरु गरेको छ । फ्लाई दुबईले डिसेम्बर १५ देखि उडान रोकेको थियो । फ्लाई दुबईले पुस २९ देखि दैनिक एक उडान सुरु गरेको नेपाल नागरिक उड्ड्यन प्राधिकरण (क्यान)का सूचना अधिकारी ज्ञानेन्द्र भूलले जानकारी दिए । 

खानकै छ प्रतिस्पर्धा !

 कोही बोलेरै खाए  

कोही नबोलेरै खाए 
कोही धेरै बोलेर खाए 
कोही बोल्न नजानेरै खाए
देश र जनताले के पाए ??  
खानकै छ प्रतिस्पर्धा, 
उहिले देखी अहिले सम्म 
पुराना देखी नयाँ सम्म
अझ जाने हुन कहाँ सम्म ! 
एक पछि अर्को नाटक 
प्रदर्शन भएकै छ बिच शहरमा 
विडम्बनाको कुरा, 
कोही बुझेर पनि 
कोही नबुझेर पनि, 
लागेकै छन पछि पछि,
जेठा माइला साइँला कान्छाका पछि
उनीहरू देखी यिनीहरू सम्म, छैनन कोही चोखा  
घिचेको देख्दा देख्दै, बुझ्दा बुझ्दै, 
दासताको डोरीमा बाँधिन मान्दैन यो मन
माफ गर कान्छा, पछि लाग्न सकिन, 
जे जे भन्ने हो भन, वा विरोधीमा गन !
- रामप्रसाद खनाल, जनवरी १६, २०२५      

'नो हर्ज प्लिज' अभियान : उपत्यका ट्राफिक प्रहरी कार्यालयले काठमाडौं उपत्यकाभित्र हर्न बजाउन नपाइने नियमलाई प्रभावकारी बनाउने

 
उपत्यका ट्राफिक प्रहरी कार्यालयले काठमाडौं उपत्यकाभित्र हर्न बजाउन नपाइने नियमलाई प्रभावकारी बनाउने बताएको छ । काठमाडौंमा ट्राफिक प्रहरी कार्यालय र यातायात व्यवसायी राष्ट्रिय महासंघ तथा मजदुर ट्रेड युनियनबीच भएको छलफलमा उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक विनोद घिमिरेले 'नो हर्ज प्लिज' अभियानलाई पूर्ण रूपमा लागु गर्ने बताएका हुन् । उपत्यका ट्राफिक प्रहरी कार्यालय २०७३  सालमा नो

गैर आवासीय नागरिकता प्रदान गरेर भिसा उपलब्ध गराउने विषय अनुचित हुने : महामन्त्री शर्मा


कांग्रेस महामन्त्री विश्वप्रकाश शर्माले गैर आवासीय नेपालीका सम्बन्धमा अध्यादेशमा उल्लेखित विषयमा आफ्नो असहमति रहेको बताउँदै सच्याउन माग गरेका छन् । सरकारको सिफारिस अनुसार राष्ट्रपति रामचन्द्र पौडेलले जारी गरेको अध्यादेशमा गैरआवासीय नेपालीलाई दश वर्षसम्म निःशुल्क भिसा उपलब्ध गराउने व्यवस्था छ ।

गोरु, भैँसी जुधाएर मनोरञ्जन लिने मेरो देश, मेरो समाज...


 गोरु, भैँसी जुधाएर मनोरञ्जन लिने मेरो देश, समाज आजकल टिकटक, फेसबुक, युट्युब लगायतका सञ्जालमा मान्छे मान्छे जुधाएर त्यहीँ बहस गर्छ, दोषी करार गर्छ, बिटुलाउँछ, चोख्याउँछ, क्लिन चिट दिन्छ, आफूलाई जे मन लाग्यो त्यही परिभाषा बनाउँछ, आफै फैसला लेख्छ र सञ्जालमै आदेश सुनाउँछ । अदालत र अदालतका न्यायाधीश छायामा पार्छ, अदालतको आदेश हेर्न पढ्न उसलाई फुर्सद पनि हुन्न । 

20250115

६० लाख धरौटी बुझाएर छुटे पछि रविले भने "न्यायलयलाई विशेष धन्यवाद दिन चाहन्छु, यो देशमा न्याय मरेको छैन"


 उनलाई धरौटीमा छाड्दा अदालतले लामिछाने कसुरदार नभएको भन्न सक्ने अवस्था नदेखिएको बताएको छ ! 

रवि लामिछानेले देशमा न्याय नमरेको प्रतिक्रिया दिएका छन् । जिल्ला अदालत काठमाडौंमा ६० लाख रुपैयाँ धरौटी बुझाएर रिहा भएपछि लामिछानेले अदातलप्रति सम्मान व्यक्त गरे । रिहा भएलगत्तै लामिछानेले भने, ‘सबै जनालाई धेरै धेरै धन्यवाद । न्याय प्रक्रियालाई सघाउन आएको भनेको थिएँ । अदालतप्रति एकदमै सम्मान व्यक्त गर्न चाहन्छु । न्यायप्रेमी जनतालाई धन्यवाद दिन चाहन्छु । न्यायलयलाई विशेष धन्यवाद दिन चाहन्छु । यो देशमा न्याय मरेको छैन ।’ 
यता आजै दिएको अदालतको आदेशमा भनिएको छ - "....प्रस्तुत वारदातमा कसुरदार होइनन् भन्न सक्ने अवस्था नदेखिएकाले प्रस्तुत मुद्दाको प्रकृतिसमेतलाई मध्यनजर राखी मुद्दाको कारबाहीको सिलसिलामा प्रमाण परीक्षण गर्दै जाँदा ठहरेबमोजिम हुने गरी मुद्दा पुर्पक्षको प्रयोजनका लागि हाललाई मुलुकी फौजदारी कार्यविधि संहिता, २०७४ को दफा ६८ र ७२ समेतका आधारमा यी प्रतिवादी रवि लामिछानेबाट रु. ६०,००,०००/- (साठ्ठी लाख रुपैयाँ नगद धरौट वा सो बराबरको जेथा जमानत दिए लिई तारिखमा राख्नू । साथै फरार रहेका प्रतिवादीहरूको हकमा यसै अदालतबाट पक्राउ पूर्जी जारी गरी पक्राउ भई आएपछि वयानका लागि पेश गर्नू," आदेशमा भनिएको छ । यसअघि, कास्की जिल्ला अदालतले २५ पुसमा लामिछानेलाई ६५ लाख रुपैयाँ धरौटीमा छाड्न आदेश दिएको थियो ।

सर्वोच्च अदालतले कैलाली–२ बाट निर्वाचित नागरिक उन्मुक्ती पार्टीका सांसद अरुण चौधरीको योग्यता विवादसम्बन्धी रिट खारेज गरिदिएसँगै उनको पद जोगियो

 

20250114

माघे संक्रान्ति मेलाको अवसरमा चारधाममध्येको एक नेपालकै प्रसिद्ध रुरुधाममा कालीगण्डकी नदी किनारमा भक्तजनको घुइचो

 माघे संक्रान्ति मेलाको अवसरमा चारधाममध्येको एक नेपालकै प्रसिद्ध रुरुधाममा कालीगण्डकी नदी किनारमा भक्तजनको बिहानैदेखि घुइचो लागेको छ । कालीगण्डकी नदी स्थान गरी भगवान ऋषिकेशको दर्शन गर्न बिहानैदेखि भक्तजनको भीड लागेको हो । मेला भर्नका लागि नेपालका विभिन्न जिल्लासंगै छिमेकी मुलुक भारतबाट पनि भक्तजनको बाक्लो उपस्थिती रहेको छ ।  आजका दिन कालीगण्डकी स्नान गरेमा पृती मोक्ष्य, मानोकाक्षा पूरा हुने धार्मिक विश्वाश रहेको भक्तजनहरुले बताएका छन् । जेठी, माइली र कान्छी गरी तीन दिनसम्म कालीगण्डकी स्नान गरी ऋष्किेशको दर्शन गर्नका लागि भक्तजन रुरु क्षेत्रमा पुग्ने गरेका छन् । पाल्पा, गुल्मी र स्याङ्जा जिल्लाको संगमस्थल रिडीमा संक्रान्तिको

हिन्दू धर्मावलम्बीहरूको पवित्र तीर्थस्थल देवघाटधाममा माघे सङ्क्रान्ति स्नान गर्न आउने तीर्थालुको घुइँचो, निःशुल्क डुङ्गाको व्यवस्था

हिन्दू धर्मावलम्बीहरूको पवित्र तीर्थस्थल देवघाटधाममा माघे सङ्क्रान्ति स्नान गर्न आउने तीर्थालुको घुइँचो लागेको छ । तीर्थालुको सुविधाका लागि गैँडाकोटबाट निःशुल्क डुङ्गाको व्यवस्था गरिएको छ । नवलपरासी (बर्दघाट-सुस्तापूर्व), तनहुँ र चितवनमा पर्ने कालीगण्डकी र त्रिशूली नदीको सङ्गमस्थल देवघाटको बेनीमा स्नान गर्न जान जिल्लाको गैँडाकोट-३ नम्बर वडा कार्यालयले निःशुल्क डुङ्गाको व्यवस्था गरेको हो ।

अमेरिकाको क्यालिफोर्नियामा लागेको आगोको ताजा अवस्था, बुधवारसम्म चल्ने हावाहुरीले अझ के के हुने हो !

रविले सहकारीबाट ऋण लिदा गरेको भनिएको हस्ताक्षरको फोरेन्सिक रिपोर्टमा के छ ? कस्ले ढाँटेको हो ?

20250110

नब निर्वाचित अमेरिकी राष्ट्रपति डोनाल्ड ट्रम्पलाई पदभार सम्हाल्नु १० दिन अगाडि न्युयोर्कको एउटा अदालतका न्यायाधीश जुवान मर्शानले सुनाए सजाय तर जेल जान नपर्ने, अपराधीको ट्याग लाग्यो !

Judge delivers sentencing remarks in Donald Trump hush money case – audio Trump sentenced to unconditional discharge in "hush money" trial 


California Fires Update : More than 10 People died, Crews continue to battle several fires burning across the region.

 • Four major wildfires are raging across Los Angeles County. At least 10 people have died, with officials warning the true toll won’t be clear until it’s safe for investigators to go into neighborhoods. More than 153,000 people are under evacuation orders, the county sheriff said Friday. After countywide evacuation warnings were accidentally sent to millions, officials apologized, emphasized work is underway to resolve the issue and urged people not to disable their alerts.

गैरआवासीय नेपाली नागरिकता प्राप्त व्यक्तिले १० वर्षसम्म नेपाल बस्दा भिसा निःशुल्क, कम्पनी खोल्न पाउने, विदेशी लगानीका रूपमा अनुमति लिनुनपर्ने


गैरआवासीय नेपाली नागरिकता प्राप्त व्यक्तिले १० वर्षसम्म नेपाल बस्दा भिसा निःशुल्क । सरकारले अध्यादेशमार्फत कानुन संशोधन गर्दै यस्तो व्यवस्था गरेको हो । शुक्रबार साँझ प्रधानमन्त्री निवास बालुवाटारमा बसेको मन्त्रिपरिषद् बैठकले अध्यादेशमार्फत १० वर्षसम्म भिसा निःशुल्क व्यवस्था गरेको हो  । त्यस्तै, गैरआवासीय नेपाली नागरिकता प्राप्त व्यक्तिले नेपालमा कम्पनी खोल्न पाउने भएको छ । विदेशी लगानीका रूपमा अनुमति लिनुनपर्ने पनि व्यवस्था गरिएको छ । तर यसरी चार महिनासम्म संसद् नबोलाएर सरकारले जस्केलाबाट अध्यादेश ल्याउनु भन्दा सँसद बोलाएरै, सँसद बाटै पास गरेर ल्याएको भए अझ राम्रो हुन्थ्यो भन्ने आवाज पनि उठेको छ । यसको पुरा विवरण आउन बाँकी छ । बाँकी कुरा  हामी अपडेट गराउने छौं हाम्रा पाठकहरुलाई । 

20250109

पाँच राष्ट्रपति एकसाथ उपस्थित भए र राष्ट्रिय शोक दिवस मनाए


 अमेरिकामा आज राष्ट्रपती जो बाइडेन, नब निर्वाचित राष्ट्रपती डोनाल्ड ट्रम्प, पूर्व राष्ट्रपतीहरु बिल क्लिन्टन, जर्ज बुर्स र बाराक ओबामा एक साथ उपस्थित भएर स्वर्गीय पूर्व राष्ट्रपति जिम्मी कार्टर प्रति सम्मान ब्यक्त गरे । अमेरिकामा पूर्व राष्ट्रपती हरुलाई पनि सम्बोधन गर्दा राष्ट्रपती भनेर सम्बोधन गर्ने प्रचलन छ तसर्थ आज पाँच राष्ट्रपती एकसाथ उपस्थित भएको र राष्ट्रिय शोक दिवस मनाएको यो घटना अमेरिका मात्र नभएर संसारका लागि महत्वपूर्ण भएको छ । सरकारी बिदा सहित शोक मनाउन र श्रदान्जली दिन आयोजित बिशेष कार्यक्रममा इशाइ धर्म र अमेरिकी सँस्कार अनुसार स्वर्गीय पूर्व राष्ट्रपति जिम्मी कार्टर प्रति सम्मान ब्यक्त गरिएको थियो जहाँ अमेरिकाका उपरास्ट्रपति देखी सभामुख, सिनेटर, कंग्रेसमेन, गभर्नर लगायतका उच्च पदस्थ नेता तथा ब्यक्तीहरु उपस्थित थिए । 

श्रध्दाजली सभालाई सम्बोधन गर्दै कार्यकाल समाप्त हुनै लागेका राष्ट्रपती जो बाइडेन र कार्टरका आफन्तहरु, इशाइ धर्मका धर्म गुरुहरुले स्वर्गीय पूर्व राष्ट्रपति जिम्मी कार्टरको गहिरो स्मरण गरे । यसै गरी संसार भर रहेका अमेरिकी राजदुताबासहरुमा पनि आयोजित शोक सभा तथा श्रध्दाजली सभा आयोजना गरी स्वर्गीय पूर्व राष्ट्रपति जिम्मी कार्टर प्रति सम्मान ब्यक्त गरियो ।

अमेरिकाको क्यालिफोर्नियामा केहीदिन देखी भैरहेको आगजनिले जन धनको ठुलो क्षति, एक लाख तिस हजार भन्दा बढी मानिस घर छाड्न वाध्य


अमेरिकाको क्यालिफोर्नियामा केहीदिन देखी भैरहेको आगजनिले जन धनको ठुलो क्षति गराएको छ । लस एन्जेलस, इटन, पालिसडेस, जेम्सवुड, मार्क हामील मेन्डिमोरमा आगलागीले उग्ररुप लिँदा त्यहाँका एक लाख तिस हजार भन्दा बढी मानिस घर छाड्न वाध्य भएका छन । आगो अझै नियन्त्रनमा आएको छैन र कैयौ ठाउँं हरुमा बासस्थान खाली गराउने क्रम जारी छ । त्यहा अहिले ४ लख ५० हजार मानिस बिजुली र पानी लगायतका सेवा बाट बन्चित भएका छन । क्षतिको विवरण आउन अझ बाँकी छ ।