अमेरिकामा जुलाई १६ देखि २३ सम्म ऐतिहासिक विश्व शान्ति ज्ञान महायज्ञ हुँदै छ : कमल धिमाल, धार्मिक अभियन्ता

विश्वशान्ति ज्ञानमहायज्ञ - २०२५ लाई सफल पार्न आआफ्नो क्षेत्रबाट सहयोग, सद्भाव, समर्थन र मार्गदर्शन प्रदान गर्दै आएको विश्व भूटानी हिन्दु संगठनअन्तर्गत रहेको वैदिक निर्णय समितिमा रहेका कतिपय विद्वानहरूको सहयोग र समर्थनमा नै यस महायज्ञको यज्ञसम्पादन सिमति बनेको छ । संस्थाको आह्वानलाई सहर्ष स्वीकार गरेर कार्यभार ग्रहण गरिदिनुभएकोमा सम्पूर्ण विद्वज्जनलाई हार्दिक धन्यवाद ज्ञापन गर्न चाहन्छौँ।

यो ज्ञानमहायज्ञ विविध कारणले ऐतिहासिक अनुष्ठान बन्ने कुरामा हाम्रो विश्वास छ । नेपालीभाषी भूटानी अमेरिकी समाजमा पहिलो पटक हुन गइरहेको यस्तो अभूतपूर्व ज्ञानमहायज्ञमा सहभागी भइदिनुहुन सम्पूर्ण वैदिक सनातन जगतलाई हामी हार्दिक आह्वान गर्दछौँ ।

यस महायज्ञमा आवद्ध गुरूजन, विद्वान् एवं विदुषीहरूको दर्ता प्रक्रिया (फारम भर्ने काम) अन्तिम चरणमा पुगिसकेको हुँदा हामी अन्य गुरुजन, विद्वान्, विदुषी, पाठकर्ता एवं दाताहरूको नाम र फोटाहरू क्रमशः प्रकाशन गर्दै जाने कुरा पनि यहाँहरू सम्पूर्णमा जानकारी गराउन चाहन्छौँ ।

महायज्ञका सम्बन्धमा राष्ट्रीय तथा अन्तराष्ट्रीय क्षेत्रबाट पनि विभिन्न धार्मिक संघसंस्था तथा विद्वान्-विदुषीहरूले हामीलाई सम्पर्क गरिरहनुभएको छ र अबउसो राष्ट्रीय तथा अन्तराष्ट्रीय समन्वय समितिलाई सम्पर्क गरिदिनुहुन आयोजक संस्था हार्दिक अनुरोध गर्दछ ।

यस महायज्ञ सम्बन्धमा थप केही जानकारी लिनु परे कृपया यज्ञसम्पादन समितिमा रहेका कोही पनि गुरूहरूलाई सम्पर्क गर्नुहोला ।

धन्यवाद ।

GBHO ADMIN

अरु समाचार र बिचार हेर्न तलको लिँक क्लिक गर्नुहोस ।

 NepalMother.com

GO TO HOME PAGE