बाइडेनले सत्ता छोड्नु अघि पदको दुरुपयोग गर्दै कैयौं अपराधीहरुलाई सजाय माफी र एक हजार पाँचसय भन्दा बढीको सँजाय कटौटी गरेर अर्को बिबादमा मुछिए !

 कार्यकाल सकिनै लागेका अमेरिकाका राष्ट्रपति जो बाइडेनले दुई आपराधिक मुद्दामा अदालत द्वारा दोशी ठहर भएका आफ्ना छोरा हन्टर बाइडेनलाई  बिना शर्त माफी दिँदै भबिस्यमा पनि उनी उपर कुनै कानुनी कार्वाही वा जेल सजायँ हुन नसक्ने गरी सत्ता र शक्तिको दुरुपयोग गर्दै आमा माफि दिएको भन्दै एकातिर चर्को आलोचना भैरहेको छ भने अर्को तिर बाइडेनले सत्ता छोड्नु अघि पदको दुरुपयोग गर्दै कैयौं अपराधीहरुलाई सजाय माफी र एक हजार पाँचसय भन्दा बढीको सँजाय कटौटी गरेर अर्को बिबादमा मुछिएका छन । 

कार्यकाल सकिन लागेका राष्ट्रपति जो बाइडेनले बिहीबार करिब एक हजार पाँच सय अपराधीको सजाय कम गरेका छन् । समाचारहरूका अनुसार अन्य ३९ जनालाई अहिंसात्मक अपराधका लागि बाइडेनले माफी पनि दिएका छन् । यसलाई ह्वाइट हाउसले अमेरिकी इतिहासमा एकै दिनमा सबैभन्दा ठूलो क्षमादानको कार्य भनेको छ । ‘सफल पुनःस्थापना देखाउने ३९ जनालाई म क्षमा गर्दछु’, बाइडेनले विज्ञप्तिमा भनेका छन्, ‘लामो जेल सजाय भोगिरहेका लगभग एक हजार पाँच सय व्यक्तिको सजाय पनि कम गरेको छु ।’

ह्वाइट हाउसले सजाय कम गरिएका करिब एक हजार पाँच सय मानिसले कम्तीमा एक वर्षदेखि घरमै सजाय भोगिरहेको बताएको छ । ‘अमेरिका सम्भावना र दोस्रो अवसरको प्रतिज्ञामा निर्माण भएको हो’, बाइडेनले भने, ‘राष्ट्रपतिको हैसियतमा मलाई पश्चाताप र पुनःस्थापना देखाउने व्यक्तिहरूप्रति दया विस्तार गर्ने विशेषाधिकार छ ।’