आखिर अमेरिकाले गर्न खोजेको चाँहीं के हो ?

 एकातिर नव निर्वाचित अमेरिकी राष्ट्रपति डोनाल्ड ट्रम्प आफू सत्तामा आएकै दिन देखी युद्ध रोक्ने दाबी गरिरहेकै बेला वर्तमान राष्ट्रपति जो बाइडेन र कमला ह्यारिस प्रशासनले भने ठिक उल्टो काम गर्दै गएको आरोप लागेको छ । अमेरिकाले मङ्गलवार मानव अधिकार उल्लङ्घनको आरोप लगाउँदै केही चिनियाँ कम्पनीहरू र रुसका धेरै कम्पनीसहित आठ कम्पनीमा व्यापार प्रतिबन्धको घोषणा गरेको छ । त्यसै गरी अहिले फेरी अमेरिकाले युक्रेनलाई रुससँग लड्न २० अर्ब डलर दिएको छ । अमेरिकाले यो रकम रुसको जफत गरिएको सम्पत्तिबाट दिएको दाबी गरेको छ ।  उता सिरियामा बसर अल असदको सत्ता ढल्यो, उनी देश छोडेर भागे । बिद्रोहीले कब्जा गरे । अमेरिकाले आइसिस आतंककारीहरुका बिरुद्ध लक्षित भन्दै हवाइ आक्रमण पनि गर्‍यो । अब सिरियामा अमेरिकी रणनीति कस्तो होला ? यस बारेमा हाम्रो रिपोर्ट । 

* अमेरिकामा नव निर्वाचित अमेरिकी राष्ट्रपति डोनाल्ड ट्रम्प आफू सत्तामा आएकै दिन देखी युद्ध रोक्ने दाबी गर्ने,  शान्ति बहाल गर्छु भन्ने बाइडेनले युद्ध भड्काउन खोज्ने यो त अमेरिकाको दोहोरो चरित्र भएन र ?  

* अमेरिकाले मङ्गलवार मानव अधिकार उल्लङ्घनको आरोप लगाउँदै केही चिनियाँ कम्पनीहरू र रुसका धेरै कम्पनीमा व्यापार प्रतिबन्धको घोषणा गरेछ, आखिर अमेरिकाले गर्न खोजेको चाँहीं के हो ? के लाग्छ ?

* फेरी अमेरिकाले रुसको जफत गरिएको सम्पत्तिबाट युक्रेनलाई २० अर्ब डलर दिएछ । त्यस्तो गर्नु उपयुक्त हो र ? 

यी र यस्ता विषयवस्तुमा हामी कुरा गर्दैछौँ ।  तपाईँलाई कस्तो लाग्छ कुन्नि ?